बिदेसी मन ले डर नयी लगे साहब ,,अपने मन ही मारत हे ,,,

न वालमार्ट के आये ले ,,
न पेप्सी पिजा खाए ले ,,
देश के भट्टा बैठे हे ,,,
टेबुल तरी के कमाई ले ,,,

जनता मरत महंगाई ले ,,
पाछु के उधारी चुकाय ले ,,
पैसा बचाही तभे वालमार्ट जाही 

लुवाठ होही ऍफ़ डी आई ले ,,,

अनुभव

अपोजिसन मने बिरोध ,,

संसद भीतरी कुकुर कटैया,,
अस माते कुहूराम हे ,,
हाँथ हा सबो के कालर तिरत ,,
कमल के लग गिस काम हे ,,,

मायावती टेटकी कस बदलिस ,,
लोटा धरिस औ मुलायम नहक दिस ,,
सी बी आयी ,ले पोटा काम्पिस

ता ऍफ़ डी आई ला सलाम हे ,,,,,,

लोकतंत्र के मंदिर भीतरी ,,
गाडा भर भगवान हे ,,
सबो करत ,, जनता के चिंता ,,
फेर पब्लिक काबर परेशान हे ,,,

अपन सरकार में हहो किथे ,,
विपक्छी बने माँ नै लो किथे ,,,
काला चुनबे ,,सबो पलटिया ,,
सिरतोन भारत महान हे ,,,,,,,???

अनुभव

नंगा आदमी था
खादी की चड्डी,, पहन इतरा  रहा है  ,,
वो पिछले  पांच सालो से  ,,
मेरा भारत महान गा  रहा है ,,
उसकी उन्नति
कमाल है ,,, काबिले गौर है ,,
उसके बंगले की उचाई देख कर ,,
यु लगता है ,,विकास का दौर है ,,

अनुभव

रुपिया वाले नंगरा ,,,,,,,,,

डालर के पहिन के चड्डी अउ बनियाईन ,,
रुपिया वाले मन नंगरा होगे ,,
देश माँ महंगी औ ,, बाहिर माँ सस्ती ,,
निपोर कंडीशन ,,अलकरहा होगे ,,
मनमोहन कका ता अर्थशास्त्र भुला गे ,,
प्रणय बबा ,,,तको कलजगरा होगे ,,
भदाक ,,,ले जब गिरिस हे रुपिया औ पैसा ,,
मने ,, देश के अर्थ व्यवस्था हा डबरा होगे ,,,,

अनुभव

निर्भय होकर जीना मुश्किल ,,
कायर बन कर रहना मुश्किल ,,
इस युग के झूठे नायक से
हो के पराजित मरना मुश्किल ,,

अनुभव

खखोल ले संचेती,,,,,छत्तीसगढ़ ला 

आ संचेती खखोल ले गा ,,
इन्हा सब बाजार माँ बिकथे रे ,,
राजा ,,मंत्री ,,सब करथे धंधा ,,
औ घर भीतरी आगि मुतथे रे ,,,

दाई महतारी के सांटी बिकथे ,,
बिकत हे बाप ददा के खेत खार ,,
भाई बहिनी के मिहनत के सौदा ,,
औ मया पीरा के इन्हा ब्यापार ,,

ब्यापारी बर जेन कोयला हे ,,,
हमर लइका के ,,आंखी के काजर हे ,,
जेला महतारी अपन दूध ले आंजे हे ,,
फेर लइका के फूटे जांगर हे ,,

जेन बैठ के भुर्री तापत हे ,,
जब कोनो दाई के छाती नापत हे ,,
ऐसे बढ़िया छत्तीसगढ़इया के ,,
जिनगी माँ भाई लानत हे ,,,,

अनुभव

हेरी पाटर के कका,,निर्मल बबा,,
हाग वार्ड इस्कूल ले आये हे ,,
बबा उही ला जादू दिखाथे ,,
जेन दू हजार के टिकिस कटाय हे ,,,

आज मिडिया माँ बनथे बाबा ,,,
औ बाबा चढ़ाथे ,,,,,,, चढ़ावा ,,
जेन बाबा भुलागे चढ़ावा,,,
वो हा पाखंडी हे ,,करथे दिखावा ,,

अनुभव

मालिक की ख़ुशी पे भूंकता होता ,,हिस्से की हड्डी चूसता होता ,,
इस सिस्टम में खुश रहता ,,मै गर पूंछ हिलाता कुत्ता होता ,,

अनुभव

सुराज की वेदी ,,बलि चढ़ गए ,,
दो दो बाड़ी गार्ड,,
छुट जायेंगे ,,,कलेक्टर बाबु ,,
पाएंगे अवार्ड ,,,,

अधिकारी के बदले चाहे ,,
जितने छूटे अपराधी ,,,
होनहार आईएस है वह ,,
अभी हुई है शादी ,,

कलेक्टर की बीवी के आंशु से ,,
भीग गया अखबार ,,,
मुस्कुराते हुए बोले संपादक ,,
जाएगी सरकार

गार्ड मरे जो ,,,कीड़े थे वो ,,
उनका क्या परिवार ,,,
दो लाख का मुवावजा तय है ,,
जितने चाहे मार ,,,,,

मार्क्स के चेलो की भी गोली ,,
अधिकारी ,,मंत्री पहचाने ,,,
विस्फोट में उड़ गया आम सिपाही ,,
नेता बच गया देश बचाने,,,,,,,,

ग्राम सुराज या लाल सुराज ,,
अलग जरूर है बोली ,,,
पर बड़े बचेंगे माल उड़ाने
तेरे हिस्से में दर्द की गोली ,,,
अनुभव शर्मा

गन्दा हे फेर धंधा हे ,,,
देश हित के चंदा हे ,,
जेन धरम के भासा बोलत हे ,,
बाबा है या भिखमंगा हे ???

रोजे एक ठन बाढ़त हे 
विज्ञापन कस भुलियारत हे ,,
अपन पेल के माया सोटत हे ,,
औ भगतन ला गीता झाड़त हे ,,

अनुभव

सेना होगे झडू बाम ,,,कैसे करबे हिन्दुस्तान ,,,

दाऊद ला अमरीका खोजे ,,
हाफिज बर धरे इनाम ,,
हेडली भारत किंजर के चल दिस ,,
कसाब लगा दिस काम ,,
बने गोठीयाथे सेना नायक ,,
की सेना होगे झडू बाम ,,,

खखाय बंगला देश एक कोती,,
दुसर कोती ,,नंगरा पाकिस्तान ,,
चीन चेथी में चढ़े पिठैया,,,
नेपाल के ढिल्ला गे हे लगाम ,,,
खाल्हे श्रीलंका घलो रिसा गे ,,
अब कैसे करबे हिन्दुस्तान ,,,

अनुभव

लुवाठ बढ़िया ,,छत्तीसगढ़इया

छत्तीसगढ़ हे जिंदल के ,,,
भाटिया के औ गोयल के ,,
इन्ही मन खाई खजाना बौरत हे ,,
दुकालू उघरा चड्डी माँ घूमत हे  ,,
बुधिया फटहा   लुगरा निचोवत हे ,,,

सरकार ला मया ठठा जाथे ,,
ता ग्राम सुराज मता जाथे ,,
फेर दू रूपया के चाउर ले ,,
सब्बो के पीरा सिरा जाथे,,

ओती पावर प्लांट जोरावथ हे
एति लोहा खदान खोदावाथ हे ,,
खेत खार औ जंगल नदिया ,,
सबो बाहिर कोती बोहवाथ हे

धान के खेत पड़े पड़िया,,
बढ़िया बढ़िया ,,लुवाठ बढ़िया ,,
टेंडर ले  बर सेठ खड़े हे
मजूरी करे बर छत्तीसगढ़इया ,,,

अनुभव

फिक्की फिक्की व्हाट कलर ,,
कोन से कलर
हरियर ,,,,
निपोर तंहू चुने लुवाठ कलर ,,
रायपुर  माँ  हरियर कन्हा होथे
जेन होथे तेन ला निगम काट देथे,,
नई ता इन्हा के धुर्रा हा  पाट देथे ,,,
जन्हा   पेड़ मन हरियायिस ,,,
निगम के आंखी चढ़ जाथे,,
झट ले रद्दा चोड़ीकरण करे बर ,,
बुलडोजर बढ़ जाथे ,,,,
इन्हा  हरियर रंग नई पोसाय गा ,,
कारखाना मन ला जोजियाथे   सरकार
सबो कोती कर दो करिया च करिया ,,,
जेती हरियर दिखिस ओती धुन्गिया मार ,,
एकर सेती कोनो दुसर रंग के कर बिचार ,,
इन्हा तो सबो करिया गे हे
बस हरियर हे सरकार ,,,,,,,,,,,

अनुभव

विकास  vs बिकाश

बिकाश आवथ हे ,,बिकाश आवथ हे ,,
लाल बत्ती गाड़ी ,,,तेमा ठुसाय हे अधिकारी ,,
धुर्रा उडाथ हे ,,ता दुकालू खासत हे ,,
काम के गारंटी ,,आनाज के गारंटी ,,
लइका औउ पिचका के शिक्षा के गारंटी ,,
गारंटी के नारा लिखाय  ,,तेमा खेमिन छेना थापत हे ,,
खालेह के खार माँ ,,लोहा के करखाना,,
बेच दिस  जमीन ला उठा लिस  बयाना ,,
तिन रूपया चाउर खवैया ,,नवा होंडा बिसावथ हे ,,
फेक्ट्री माँ काम कर ,,अस्सी रूपया रोजी ,,
हवे भारी मिहनत फेर ,, संझकेरहा के जुगाड़ हो जही,,
गोवा के चेपटी  पी के ,,जम्मो गाव नाचथ हे ,,,

अनुभव

द होल थिंग इस दैट  कका,,सबले बड़ा रुपैया ,,

लबारी मारना पाप हे ,,
काबर की ,,बिला भीतरी सांप हे ,,
फेर सांप ,,कोनो ला नई चाबे ,,,
लबारी मरैया ता ,,,उछरत ले कमात हे ,,,
सांप ला घलो दूध पिला दे ,,
टोटा तक बोजा  के सुता दे ,,
लबरा ,,खाते कमाथे,,,नाम बनाथे,,
इमान बहिया ,,,अपन छाती जराथे,,
रोवत गात अपन दिन पहाथे,,,
ता कुल मिला के ,,,,
आज के जमाना माँ
नोट सोंट,,,कैसे कमैस ,,कोनो नै हे गा देखैया
द होल थिंग इस दैट  कका,,
की सबले बड़ा रुपैया ,,

अनुभव

रमन सरकार ,vs तपन सरकार 

दुनो कोती भारी बसूली ,,
पैसा के होवत हे बौछार ,,
जेल भीतरी तपन सरकार,,
जेल के बाहिर रमन सरकार ,,
जेल वाले ता भला अपन सजा काटत हे ,,
बाहिर वाला ता आज भी पेल के दबावत हे ,,
ओकर कौन पुछैया,,
जेन कुर्सी माँ बैठ के मेछरावत हे

अनुभव

साबू खोजो चाचा जी ,,,,,,,,,,

मनमोहन आउ अन्ना के वैसने हे नाता ,,
जैसे चाचा चौधरी बर राका ,,
ले दे के मोहन ,,अन्ना ला बोतल माँ भितरैस ,,
दू महिना गे ले ,,,बबा फिर बाहिर अयीश,,
बाहिर आके ,,बबा फेर मताय के प्रोग्राम बनावत हे ,,
ओला भितराय बर मनमोहन ,,एक साबू तपासथ हे,,,,,,,,,,,

अनुभव

पगला कुकुर जेला काटे ,,तेन देखे राकस्टार ,,

इम्तियाज अली के मुड़ी ऊपर ,,
गिटार ला पटक के मार,,,
पगला कुकुर जेला काटे,,
तेन देखे राक स्टार ,,
गाना भीतरी ,,फिलिम खुसेरिस ,,
बिमरहा हिरोइन बस दांत निपोरिस ,,
चुन्दिहा रणवीर झूप झूप के घोरिस ,,
तोरे हक़ ,,तन्ही रख ,,,
पर अपन मुहु ला टार
पगला कुकुर जेला काटे ,,
तेन देखे राक स्टार ,,

अनुभव

चुनाव ,,तोर लिल्ला ,,
वाह रे चुनाव ,,तोर लिल्ला ,,
कभू २ रुपिया माँ चाउर,,कभू नवा जिल्ला 
पक्छ अउ विपकछ के ठुमका के आघू
न लगे मुन्नी ,,न लगे शीला ,,
मुहु फारे मनखे ,,देखही तमाशा ,,
जेन नै पीटे तारी,,तेकर केरेक्टर ढिल्ला ,,,

अनुभव

पुलिस के इंटेलिजेंस

हमर पुलिस के इंटेलीजेन्स ला सलाम ,,,,,
जेन कड़ी ऊपर कड़ी जोडत हे ,,
चारो मुडा सबूत मिलत हे ,,
जेती पाय तेती खोदत हे ,,
तिन चार लापता मनखे घलो लौटा गिन ,,
जब पता चलिस ओकर मरिया बरसी होवत हे

छत्तीसगढ़ पुलिस जागथ हे ,,,

राम राज कस लागथ हे 
छत्तीसगढ़ पुलिस जागथ हे ,,
कुकुर बेडा के सीरियल किलर ,,
सबो जुन्ना केस निपटावथ हे ,,,

पांच साल ले होथ हे पीछा ,,
बड़े मेहनत के बड़े नतीजा ,,
जतका लापता मनखे बांचिस
सब्बो ला खोदवावथ हे ,,

अनुभव

bitiya ke liye 26 jan

भारत माता तेरी  बिटिया ,,
आज ख़ुशी से फूली जाती ,,
गर्व भरी  इस मंच चढ़ी हु ,,
अपने मन की बात बताती ,,

बिखर चुके है आडम्बर सब ,,
उड़ने को है सारा आकाश ,,
तेरा  आंगन जगमग होगा ,,
जब फैलेगा मेरा प्रकाश ,,,

इस झंडे के साथ खड़ी हु ,,
 वैसे ही  लहराउंगी ,,,,
तेरी  क्यारी की खुसबू हु ,,
जग जीवन महकाउंगी ,,,,

अनुभव