गुरुवार, 29 जनवरी 2015

बिकाश आवथ हे


विकास  vs बिकाश

बिकाश आवथ हे ग ,,
बिकाश आवथ हे ,,
लाल बत्ती गाड़ी ,,,
तेमा गोंजाय हे अधिकारी ,,
धुर्रा उडा गिस ,,
तो दुकालू खासत हे ,,
काम के गारंटी ,,औ
आनाज के गारंटी ,,औ
लइका औउ पिचका के शिक्षा के गारंटी ,,
गारंटी के नारा ऊपर  ,,
खेमिन छेना थापत हे ,,
खालेह के खार माँ ,,
लोहा के करखाना,,
बेच दिस खेत ला ,,
उठा लिस  बयाना ,,
एक रूपया चाउर खवैया ,,
येदे होंडा बिसावथ हे ,,
फेक्ट्री माँ काम कर ,,
अस्सी रूपया रोजी ,,
हवे बिक्कट मिहनत फेर ,,
संझकेरहा के जुगाड़ हो जही,,
गोवा के चेपटी  पी के ,,
जम्मो गाव नाचथ हे ,,,गा
बिकाश आवथ हे ,,
अनुभव

कोई टिप्पणी नहीं:

एक टिप्पणी भेजें